Yfir í efni
Korti
Skrá innByrja frítt

Stimpilkortið ykkar í símann

Stafrænt stimpilkort er stimpilkort sem viðskiptavinurinn geymir í Apple Wallet eða Google Wallet í símanum sínum í stað pappírsspjalds í seðlaveskinu. Með Korti hannið þið kortið í vafra, viðskiptavinir fá það með því að skanna QR-kóða við afgreiðslukassann og starfsfólkið stimplar það með myndavélinni á síma. Það þarf ekkert app.

Síðast uppfært 22. okt. 2026.

Hannið stimpilkortið ykkar frítt

Svona virkar það

  1. Þið hannið kortið. Lógó, litir, hversu marga stimpla þarf og hver verðlaunin eru, til dæmis „Tíu stimplar og ellefti kaffibollinn er frír“. Forskoðunin sýnir kortið eins og það lítur út á iPhone og Android á meðan þið hannið.
  2. Viðskiptavinir fá kortið. Prentið QR-veggspjald og hengið það upp við afgreiðslukassann, eða deilið hlekknum á Instagram eða í tölvupósti. Viðskiptavinurinn skannar, fyllir út það sem þið biðjið um og bætir kortinu í veskið. Þið veljið hvaða upplýsingar um korthafa þið biðjið um.
  3. Starfsfólkið stimplar. Skanninn opnast í vafra á hvaða síma eða spjaldtölvu sem er. Starfsmaður beinir myndavélinni að strikamerkinu á kortinu og ýtir á „Stimpla“. Þið getið gefið hverri verslun sinn hlekk á skannann, svo að starfsfólkið þurfi ekki eigin aðgang.
  4. Kortið uppfærist sjálft. Stimpillinn birtist á kortinu í síma viðskiptavinarins innan nokkurra sekúndna. Þegar kortið er fullt segir skanninn það og starfsmaðurinn ýtir á „Gefa verðlaun“. Þá byrjar kortið aftur á núlli.

Af hverju í símann?

  • Kortið gleymist ekki heima. Síminn er alltaf með í för og kortið er á sama stað og greiðslukortið.
  • Engin prentun. Engin spjöld sem klárast, týnast eða enda í skúffu.
  • Þið getið sent korthöfum skilaboð. Sendið stutt skilaboð á lásskjá, til dæmis um nýjan rétt eða opnunartíma um jólin, til allra korthafa eða til valins hóps, eins og þeirra sem hafa ekki komið lengi. Skilaboðin kosta ekkert.
  • Þið getið breytt kortinu eftir á. Nýtt lógó eða önnur verðlaun? Breytið hönnuninni og sendið uppfærslu, þá uppfærast kortin í öllum símum.
  • Þið sjáið hverjir koma aftur. Yfirlitið sýnir hve mörg kort eru í veskjum, hve mörg bættust við í vikunni og hve mörg voru skönnuð í dag, og þið sjáið feril hvers korthafa.

Fyrir hverja?

Kaffihús, bakarí, ísbúðir, hárgreiðslu- og snyrtistofur, bílaþvottastöðvar, veitingastaði og verslanir: alla sem nota eða vilja nota stimpilkort til að fá fólk til að koma aftur.

Hvað kostar það?

Verð á stimpilkortum hjá Korti
Að hanna og prófaFrítt. Allt að 25 prufukort í Apple Wallet og Google Wallet sem renna út eftir 7 daga
Mánaðargjald2.999 kr, byrjar daginn sem kortin fara í loftið
Hvert útgefið kort15 kr, þegar kortið er búið til fyrir viðskiptavin
Ný umferð15 kr, þegar kortið er fullt, verðlaunin eru gefin og það byrjar aftur á núlli
Stimplar, skannanir, uppfærslur, skilaboð á lásskjáÓkeypis
BindingEngin. Þið getið hætt hvenær sem er

Dæmi: kaffihús sem gefur út 100 ný stimpilkort á mánuði greiðir 2.999 kr + 100 × 15 kr = 4.499 kr þann mánuðinn. Hvert kort sem fyllist og byrjar nýja umferð telst sem nýtt kort: ef 40 af þeim fylla kortið þann mánuðinn bætast 40 × 15 kr = 600 kr við. Sjá verðskrána

Tengið ykkar eigin kerfi

Korti er með opið API. Með því geta kassakerfi, bókunarkerfi, félagakerfi eða vefverslun gefið út kort og uppfært þau sjálfkrafa, til dæmis bætt við stimpli eða breytt inneign. Lesið API-skjölunina (hún er á ensku).

Viljið þið tengja ykkar kerfi við Korti? Við vinnum það gjarnan með ykkur: sendið okkur tölvupóst á korti@korti.is.

Spurningar

Þurfa viðskiptavinir að sækja app?
Nei. Apple Wallet er innbyggt í alla iPhone-síma og Google Wallet í flesta Android-síma. Viðskiptavinurinn skannar QR-kóða eða ýtir á hlekk og kortið fer beint í veskið.
Hvernig stimplum við kortið við afgreiðslukassann?
Opnið skannann í Korti í vafra á síma eða spjaldtölvu og beinið myndavélinni að strikamerkinu á kortinu. Ýtið á „Stimpla“. Það þarf engan aukabúnað og ekkert app.
Getum við fært stimplana af gömlu pappírskortunum yfir?
Já. Ef þið flytjið inn lista viðskiptavina (CSV) getið þið haft dálkinn „stimplar“ með þeim fjölda stimpla sem hver og einn á. Í skannanum gefur starfsfólk einn stimpil í einu.
Hvað gerist þegar viðskiptavinurinn hefur safnað öllum stimplunum?
Skanninn segir að kortið sé fullt. Þegar verðlaunin eru gefin ýtir starfsmaðurinn á „Gefa verðlaun“ og kortið byrjar aftur á núlli. Ný umferð telst sem nýtt kort og kostar 15 kr.
Kostar eitthvað að stimpla eða senda skilaboð?
Nei. Þið greiðið mánaðargjaldið og 15 kr fyrir hvert kort sem er gefið út eða endurnýjað, til dæmis þegar kortið fyllist og ný umferð hefst. Stimplar, skannanir, breytingar og skilaboð á lásskjá eru innifalin.
Getum við prófað áður en við borgum?
Já. Það er frítt að hanna kortið og þið getið sett allt að 25 prufukort í ykkar síma og síma starfsfólksins. Þau virka í 7 daga. Mánaðargjaldið byrjar ekki fyrr en kortin fara í loftið.
Virkar þetta líka á Android?
Já. Sama kortið fer í Google Wallet á Android-símum og í Apple Wallet á iPhone. Þið hannið það einu sinni.

Hannið kortið núna og borgið þegar það fer í loftið

Hannið stimpilkortið ykkar frítt