Tilboð sem gleymast ekki heima
Stafrænn afsláttarmiði er tilboð sem viðskiptavinurinn geymir í Apple Wallet eða Google Wallet, til dæmis „20% afsláttur af einni vöru“. Í Korti er aðeins hægt að nota hvert tilboð einu sinni og það getur runnið út á ákveðnum degi. Þið hannið tilboðið, viðskiptavinir sækja það með hlekk eða QR-kóða og starfsfólkið skannar það í síma við afgreiðslukassann. Það þarf ekkert app.
Síðast uppfært 22. okt. 2026.
Svona virkar það
- Þið hannið tilboðið. Lógó, litir, tilboðið sjálft í stuttu máli (til dæmis „20% afsláttur“ eða „Frír eftirréttur“) og skilmálar á bakhlið kortsins, til dæmis „Gildir fyrir eina vöru. Gildir ekki með öðrum tilboðum.“ Þið getið látið tilboðið renna út á ákveðnum degi.
- Viðskiptavinir sækja það. Setjið QR-kóða á veggspjald, í auglýsingu eða á Instagram, eða sendið hlekk í tölvupósti. Á skráningarsíðunni veljið þið hvaða upplýsingar þið biðjið um. Skráningarsíðan gefur sama netfangi ekki annað tilboð, en netfang er valfrjálst þar.
- Starfsfólkið skannar það. Skanninn opnast í vafra á síma. Starfsmaður skannar tilboðið og ýtir á „Nota tilboð“. Eftir það segir skanninn að tilboðið sé þegar notað ef reynt er aftur, og tilboðið verður grátt í veskinu.
- Tilboðið rennur út. Eftir síðasta daginn verður það grátt í veskinu og skanninn segir að það sé útrunnið.
Af hverju í símann?
- Það gleymist ekki heima. Tilboðið er á sama stað og greiðslukortið.
- Aðeins notað einu sinni. Skanninn skráir notkunina strax, svo sama tilboð fer ekki tvisvar í gegn, ekki heldur í tveimur verslunum á sama tíma.
- Áminning á réttum stað. Ef þið bætið staðsetningu verslunarinnar við kortið getur tilboðið birst á lásskjá iPhone þegar viðskiptavinurinn er nálægt. Það virkar ekki á Android.
- Skilaboð kosta ekkert. „Tilboðið rennur út á sunnudaginn“ á lásskjá, til allra sem eru með það.
Fyrir hverja?
Verslanir og veitingastaði með opnunartilboð eða rólegan mánuð, verslunarmiðstöðvar sem gefa út tilboð fyrir búðirnar sínar og sveitarfélög eða miðbæjarfélög með átak á borð við „Verslum í heimabyggð“. Hver búð fær sinn skannahlekk.
Ekki gjafakort
Tilboð er afsláttur, ekki inneign. Gjafakort með inneign eru væntanleg í Korti.
Hvað kostar það?
| Að hanna og prófa | Frítt, allt að 25 prufukort sem virka í 7 daga |
|---|---|
| Mánaðargjald | 2.999 kr frá því að kortin fara í loftið |
| Hvert útgefið tilboð | 15 kr, einu sinni, þegar tilboðið er búið til fyrir viðskiptavin |
| Skannanir, uppfærslur, skilaboð á lásskjá | Ókeypis |
| Binding | Engin |
Dæmi: veitingastaður sem gefur út 500 tilboð í átaksmánuði greiðir 2.999 kr + 500 × 15 kr = 10.499 kr þann mánuðinn. Ef engin ný tilboð eru gefin út næsta mánuð greiðir hann 2.999 kr. Sjá verðskrána
Tengið ykkar eigin kerfi
Korti er með opið API. Með því geta kassakerfi, bókunarkerfi, félagakerfi eða vefverslun gefið út kort og uppfært þau sjálfkrafa, til dæmis bætt við stimpli eða breytt inneign. Lesið API-skjölunina (hún er á ensku).
Viljið þið tengja ykkar kerfi við Korti? Við vinnum það gjarnan með ykkur: sendið okkur tölvupóst á korti@korti.is.